Ilinniagaqarsimanerup qaffasissusaa immikkoortortaqarfiit malillugit

Ilinniagaqarsimassuseq Nuummi qaffasinnerpaavoq, tassani innuttaasut 54,9 procentii, nuna tamakkerlugu agguaqatigiissitsinermut 39,5 procentinut naleqqiullugit, meeqqat atuarfianniit qaffasinnerusumik ilinniagaqarsimapput. Tulliupput immikkoortortaqarfiit Qaqortoq aamma Sisimiut, 42,9 aamma 39,8 procentimiillutik taamaasillutillu nuna tamakkerlugu agguaqatigiissitsinermit qaffasinnerusumik inissisimasut.

 

2017-imi immikkoortortaqarfinni Upernavimmi Kangaatsiamilu ilinniagaqarsimassuseq appasinnerpaavoq, tassani innuttaasut 16,1 procentii aammalu 19 procentii meeqqat atuarfianniit qaffasinnerusumik ilinniagaqarsimammata. Immikkoortortaqarfinnilu Uummannami, Qaanaami Tunumilu innuttaasut meeqqat atuarfianniit qaffasinnerusumik ilinniagaqarsimasut amerlassusaat sisamararterutaannit appasinnerupput.

 

Titartagaq 4. 2017-imi innuttaasut (16-74-inik ukiullit) qaffasinnerpaamik ilinniagarisimasaasa qaffasissusaat, immikkoortortaqarfiit malillugit

Nalunaarut: Inuusuttunut ilinniakkani ilinniarnertuunngorniarnerit, inuussutissarsiornermik ilinniarnerit aammalu angusanik qaffassaanerit pineqarput.

Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDDISCPROE).